Si Janet

Komplikado ang among nahimong panaghigala ni Janet. Aduna siya'y dili-kaayo-tago nga pagkagusto sa akong suod nga higala, nga niadtong panahona, nangulitawo kanako.

Luyo niini, among gipaningkamutan ni Janet nga magpabilin nga managhigala - bisan pa sa padayon nga pagpangulitawo ni lalake kanako ug sa padayon nilang sekreto nga panagtagbo.

Nanglabay ang mga panahon, ug kaming tulo nagkabulag-bulag. Apan dili sa makausa lamang nga higayon, akong mahuna-hunaan kung unsa ang mahitabo sa higayon nga magkita kami pag-usab. Maski sa akong pagkaligo, kanunay nakong makita sa akong hunahuna ang mga mahimong mahitabo. Sa sulod sa akong kasingkasing, gilauman ug gikahadlokan ko ang maong panagkita.

Nausab ang tanan usa ka buntag, sadihang ako nag-andam sa sulod sa gamayng banyo/CR alang sa akong naandan nga tunga-sa-oras nga pagkaligo.

Brian (sa sala): Gladys! naay nangita sa imoha! Pagdali!

Ako (sa banyo): Ha? Tarung dira.

Brian: Lagi, pagdali ba.

Ako: Kinsa daw?

Brian: (dyutay nga kahilom) Janet daw!

Ako: Pagtarung Brian ba!

Brian: Tarung lagi. Importante daw.

Ako: (nataranta) Mogawas ko?

Brian: Ay, alangan. Pagdali.

Ako: (nagdali-dali ug ilis)

Pag-abri sa pultahan sa banyo, nisugat si Brian.

Brian: Pagdali, kay kalibangon ko.

the end

****ako lamang kining gisugilon tungod kay kagabii, niinom ko sa soymilk nga gihimo ni Brian, ug karong buntaga, adunay nahitabong dakung gubat sa akong tiyan. Human sa pamahaw, samtang si Brian naa sa sulod sa banyo/CR, nagdaug ra gyud ang gubat. Ang nadaug mao si "Janet," ug wala koy laing nahimong singgit sa kadaugan kondili "Brayaaaaaaan! si Janet!!!!"